كل عام وانتي امي
كل عام وانتي امي
وزوال احزاني وهمي
يلي طول عمرك تدادي وتطبطبي وتضمي
ولو في يوم خدنا الفراق انتي اللي بتلمي
انت ليا زادي وعتادي وحبك بيجري جوا دمي
بعتذرلك ياحبيبتي لو في يوم قصرت
او في يوم قصدتيني واتأخرت
والله من غيرك عجزت واتكسّرت
كل يوم يفوت عليا وانتي جمبي هو لينا احلي عيد
انتي يا امه ساكنه قلبي وكل لحظه حبك يزيد
يلي نبضك هو نبضي وبتجري في الروح والوريد
مستحيل هوفيكي حقك مهما اقول واعيد وازيد
ربنا يبارك في عمرك وتكوني جمبي كل عيد
#التهامي_الصعيدي
ليست هناك تعليقات:
إرسال تعليق