هدية عيد الام من الشاعره شيماء عشيبه
#أمي_أخلص_حد_ليا
كنت فاكر لما هكبر
هبقى مستقوي بشبابي
واني هتغرب وهاصبر
واني هستغني بصحابي
بس غصبن عني بضعف
وارجع اتسند عليكي
تسنديني بلهفه اعرف
انى ماليش غير ايديكي
أمي أخلص حد ليا
ناسيه روحها ودايبه فيا
أمي أم ماهش عاديه
كلها طيبه وحنان
أمي ضعف بيقوى بيا
وإن ضعفت تكون عافيه
طول ماهي قصاد عنيا
قلبي بيحس بأمان
عارفه يا ما لما أفكر
مين بناني م الطفوله
ببقي شايف بس دروك
هو ده دور البطولة
وإننّا ولا حاجه جنبك
وانتى وحدك ف الصدارة
شايله احلامنا ف قلبك
ست جدعه وبجدارة
أمي أخلص حد ليا
ناسيه روحها ودايبه فيا
أمي أم ماهش عاديه
كلها طيبه وحنان
أمي ضعف بيقوى بيا
وإن ضعفت تكون عافيه
طول ماهي قصاد عنيا
قلبي بيحس بأمان
#شيماء_عشيبة
ليست هناك تعليقات:
إرسال تعليق